സഹായനിധി രൂപീകരിച്ചു
Wednesday, July 7, 2010പൂക്കോട്ടൂര്‍: ഇരുമ്പുഴിയില്‍ മരണപ്പെട്ട തയ്യന്‍ മൊയ്തീന്റെ കുടുംബ സഹായകമ്മിറ്റി രൂപീകരിച്ചു. ഇതിനായി ചേര്‍ന്ന പൂക്കോട്ടൂര്‍, മുണ്ടിതൊടിക, മാര്യാട്‌, വീമ്പൂര്‍, ഇരുമ്പുഴി മഹല്ല്‌ നിവാസികളുടെ സംയുക്ത യോഗത്തില്‍ മുണ്ടിതൊടിക ജുമാമസ്ജിദ്‌ ഖാസി ശറഫുദ്ദീന്‍ നിസാമി അധ്യക്ഷതവഹിച്ചു. ഹസ്സന്‍സഖാഫി മുഖ്യപ്രഭാഷണം നടത്തി. ടി വി ഇബ്രാഹീം, കാരാട്ട്‌ അബ്ദുര്‍റഹ്മാന്‍, കോട്ടമൂസ, കെ പി മൊയ്തീന്‍കുട്ടി, നജ്്മുദ്ദീന്‍ സഖാഫി സംസാരിച്ചു. അഞ്ച്‌ പെണ്‍കുട്ടികളും രണ്ട്‌ ആണ്‍കുട്ടികളും ആണ്‌ മൊയ്തീനുള്ളത്‌. പഞ്ചായത്ത്‌ ധനസഹായം കൊണ്ട്‌ നിര്‍മിച്ച്‌ കൊണ്ടിരിക്കുന്ന വീട്‌ പണിയും മക്കളുടെ വിവാഹം, വിദ്യാഭ്യാസം മറ്റു ദൈനംദിനം ചെലവുകള്‍ എന്നിവക്ക്‌ ഫണ്ട്‌ സ്വരൂപിക്കുന്നതിന്‌ കെ മുഹമ്മദുണ്ണിഹാജി എം.എല്‍.എ മുഖ്യരക്ഷാധികാരിയും അബ്ദുസ്സമദ്‌ പൂക്കോട്ടൂര്‍, പി ഉബൈദുല്ല, കുരുണിയന്‍ സൈനുദ്ദീന്‍ഹാജി, ഒ എം ജമാല്‍ഹാജി, കെ എം അക്ബര്‍, വി കെ എം അലി, മൂഴിക്കല്‍ ഇസ്മയില്‍ നജ്്മുദ്ദീന്‍ സഖാഫി എന്നിവര്‍ രക്ഷാധികാരികളായും കമ്മിറ്റി രൂപീകരിച്ചു.
