നോളജ് ഫെസ്റ്റ്-2009
Tuesday, December 30, 2008മലപ്പുറം: വള്ളുവമ്പ്രം എം.ഐ.സി ഇംഗ്ലീഷ് സ്കൂള് ചൊവ്വ, ബുധന് ദിവസങ്ങളില് നോളജ് ഫെസ്റ്റ്-2009 എന്ന ആഘോഷപരിപാടി സംഘടിപ്പിക്കും. ഇംഗ്ലീഷ് പഠനമാധ്യമ സ്കൂളുകളിലെ കുട്ടികള്ക്കും അധ്യാപകര്ക്കുമിടയില് വിശാലകൂട്ടായ്മ ഉണ്ടാക്കുകയാണ് പരിപാടിയുടെ ലക്ഷ്യം. സമീപത്തെ വിവിധ ഇംഗ്ലീഷ് സ്കൂളുകളില്നിന്നുള്ള കുട്ടികളും അധ്യാപകരും പങ്കെടുക്കും.
എം.ഐ.സി സ്കൂളിലെ കുട്ടികള് നിര്മിച്ച പ്രദര്ശനവസ്തുക്കളുടെയും കോഴിക്കോട് മെഡിക്കല് കോളേജ്, റീജ്യണല് സയന്സ് സെന്റര്, റീജ്യണല് കോളേജ് ഓഫ് സയന്സ് ആന്ഡ് ഹ്യുമാനിറ്റീസ് എന്നീ സ്ഥാപനങ്ങളില്നിന്നുള്ള പ്രദര്ശന സ്റ്റാളുകളും ഉണ്ടാവും. 31ന് വിവിധ വിഷയങ്ങളില് പ്രൊഫ. കെ.വി. മോഹനന്, സഞ്ജീവ്, സുബ്രഹ്മണ്യന് എന്നിവര് ക്ലാസെടുക്കും. രക്ഷിതാക്കള്ക്കും കുട്ടികള്ക്കുമായി നക്ഷത്ര നിരീക്ഷണ ക്യാമ്പും നടക്കും.
വാര്ത്താസമ്മേളനത്തില് സ്കൂള് പ്രധാനാധ്യാപകന് എ. വേണുഗോപാല്, വിദ്യാര്ഥികളായ സി.കെ. ഷഹാന, ഹസീന തസ്നി, മാജിദ കെ, ബാബു എം എന്നിവര് പങ്കെടുത്തു.